ہم ہوئے تم ہوئے کہ میر ہوئے
اُس کی زلفوں کے سب اسیر ہوئے
نہیں آتے کسو کی آنکھوں میں
ہو کے عاشق بہت حقیر ہوئے
آگے یہ بے ادائیاں کب تھیں
ان دنوں تم بہت شریرہوئے
ایسی ہستی عدم میں داخل ہے
نَے جواں ہم ،نہ طفلِ شیر ہوئے
ایک دم تھی نمود بود اپنی
یا سفیدی کی، یا اخیر ہوئے
یعنی مانندِ صبح دنیا میں
ہم جو پیدا ہوئے سو پِیر ہوئے
مت مل اہلِ دوَل کے لڑکوں سے
میر جی ان سے مل فقیر ہوئے
۔۔۔ میر تقی میر
No comments:
Post a Comment